مواصفات المصري

---

- يفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد *** - بيحط الريموت كونترول في كيس بلاستيك كعادة فرعونية *** - يقف يتكلم على الباب نص ساعة بعد إنتهاء الزيارة والسلام *** - لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد *** - ييجي بعد معاده بساعتين ويفتكر إن ده عادي *** - لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه *** - بيعتبر نفسه أفضل واحد في الشراء والفصال وبعد كده يكتشف إن الحاجة في المحل اللي جنبه أرخص من غير فصال *** - بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش *** - عنده صينية مكسرات متقسمة لتلات او أربع أقسام لزوم المزاج وعمره ماإستخدمها *** - ممكن يعدي التلاتين ولسه عايش مع أمه وأبوه وماعندهومش مشكلة *** - بيشتري قبل رمضان بأيام مواد إستهلاكية أصلا موجود عنده في البيت لسه ماستخدمهاش *** - بيكون عنده شواية لزوم الرحلات أقصى استخدام لها كان مرة واحدة في العيد *** - بيشيل طابع البريد من على الظرف لو الختم ماكانش عليه *** - بيفتكر إن أي حد بيشتغل في الخليج بيغرف فلوس من غير حساب *** - بيكون مشغول بقيمة التيبس أو البقشيش طول العشا ياترى ربع جنيه ولا نص جنيه *** - برده بيتخانق ساعة دفع الحساب بحرارة شديدة على إنه هو اللي لازم يدفع *** - بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا *** - والأهم إنه هو اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملايه

ذكرياتى

نكت * نكت

يعني ايه كوك زيرو : يعني البرادعي يطالب بالتغيير في مصر
و الشعب يستجيب في تونس

واحد بيقول لحبيبته نفسي أدوس على وشك ,,
قالتله ليه ؟
قالها عشان اكون اول مصري حط رجله عالقمر

ره واحد راح يشترى 5 ارغفه عيش لقى الفرن زحمه و هو واقف لقى مصباح سحرى دعكه طلعلو عفريت
فقاله نفسك فى ايه قاله نفسى فى 5 ارغفه عيش قالو ماشى
راح العفريت غاب ساعه و 2 و 3 فاالرجل دعك الفانوس فطلعله العفريت و قاله
طلعتنى من الطابور ليه يا غبى

سالو منافق: مين اللي وحد القطرين؟
قالهم (مينا) بتوجيهات من الرئيس مبارك

قمة الصبر :انك تقرى كتاب مش فاهم حاجة فية
قمة الهبل : انك تقلب الصفحة على انك خلصت ال قبليها
قمة الاستعباط : انك تمتحن فيه و لما تخرج تقول الامتحان كان سهل
قمة الدهشة : انك تنجح فيه وتقول بمجهودك

واحد مسطول أبوه بيموت وهو واقف هو واخواته حواليه ..

فـــلما عينيه بقيت بيضا

راح المسطول قايل ..
...............
بصوا بصوا ييعمل حركة اندر تيكر

واحد بيقول لعروسته انا كلمتي زي الساعة قالتله عندك حق لا بتقدم و لا بتاخر